La construcziun postromauna as cumpuona dad üna nev quedra e dad ün cour trat aint chi’d es eir queder cun frescos antics d’üna qualited superiura. Las fnestras da vaider sun da Gian Casty.

Baselgia refurmeda.
Il cour es orno da trais fnestras da vaider ("La charited" e "La spraunza") dad Augusto Giacometti e d’üna fnestra posteriura ("La cretta") dal Zuozingher Constant Könz. La fnestra da vaider illa nev, chi rapreschainta ils trais raigs, es gnida s-chaffida da l’artist zuozingher Gian Casty. La fnestra da vaider pü pitschna sur l’empora es l’ouvra d’ün scolar (Scartazzini) dad Augusto Giacometti.

Baselgia catolica.
Suot protecziun da monumaints. Sper las quatter fnestras cun archs gotics ed illustraziuns da Bruder Klaus, dal Sench Franz d’Assisi e da las duos patrunas da baselgia Santa Catarina e Santa Barbara ornescha ün bel culomb da pêsch da Gian Casty la paraid davous.