Da 1'410 abitants sun 231 vschins da Zuoz (situaziun 01. october 2009)

Suprastanza:

president: Caprez Gian Rudolf 
vicepresident: Vital Peter Andri 
actuar: Gilli Andrea
assessur: Pinchera Robert 
assessur: Blumenthal Gian Rico

Organisos scu corporaziun dal dret public, haun ils vschins domicilios a Zuoz tenor ils "Tschantamaints da la lud. corporaziun vschinela d'ün'undreda Vschinauncha da Zuoz", in vigur daspö Chalandamarz 1995, ils seguaints drets: 

• l'admissiun da vschinas e vschins seguond ledscha chantunela dals
  06 gün 1993; 
• da dispuoner da la proprieted e bains cumünels; 
• fittedas e cambiamaints da stabels e proprieteds vschinelas staun gnir sancziunedas da la radunanza u
  almain da la suprastanza; 
• la fittaunza da proprieted cumünela per pü cu 15 ans  
• la fixaziun da la surtaxa per domicilios areguard la cungiodida d'ütiliteds cumünelas;  
• la tscherna dal president(a) da vschins e dals commembers e suppleants da la suprastanza vschinela;  
• la tscherna dals delegios ill'associaziun chantunela da vschins;  
• l'evasiun da tuots recuors ad ella suottamiss.  

Da temp in temp invida la Corporaziun vschinela a tuots interessos a la visita da terms cun pernottaziun sün ün'alp e tschaina spüerta da la vschinauncha
 

Abilted da vuscher davart affers cumünels:
Dret da vuscher haun ils Svizzers e las Svizras chi sun abels da vuscher e chi abitan illa vschinauncha scu vschins dal lö u chi haun lur domicil in vschinauncha daspö almain trais mais.

Il termin cumainza il di da la consegna da l’attest da vschinedi.

La radunanza cumünela ho per regla lö ün marculdi saira, adüna a las 20.15.

L’urna per votaziuns e tschernas naziunelas, chantunelas u circuitelas vain missa sü illa chesa cumünela. Las uras d’avertüra sun per regla las seguaintas:

Las uras d’avertüra per las tschernas da Chalandamarz gnaregian comunichedas. Ils resultats vegnan adüna publichos a la „tevla naira“ zieva l’innumbraziun.

Che sun ils dovairs directs?

Per regla haun homens e duonnas nubilas (sainza iffaunts pitschens ed iffaunts ill’eted da scoula) cun domicil illa vschinauncha da Zuoz, inclus ils esters cun permiss stagiunel u annuel, il dovair dad ir a pumpiers.
Il dovair dad ir a pumpiers düra dal cumanzamaint da l’an, zieva cha’l 21evel an da vita es accumplieu, e glivra cull’eted illa quela il dovair da la protecziun civila es a fin. Il dovair da pumpiers vain accumplieu cun servezzan da pumpiers activ u cul pajamaint d’üna taxa da cumpensaziun.