arcumander quista paginaemailFacebookTwitter

Annunzchas ed avis da sortida

Annunzcha a Zuoz

Per plaschair s'annunzcher persunelmaing infra 14 dis tar la controlla d'abitants e mner cun se la seguainta documainta:  

Svizras e Svizzers cun domicil a Zuoz

  • Attest d'origin, cudaschet da militer
  • Taxa: fr. 20.- 

Svizras e Svizzers cun domicil düraunt l'eivna

  • Certificat d'origin/Attest da domicil da la vschinauncha da domicil
  • Taxa: fr. 20.-

Esters

  • Legitimaziun d'esters, passaport valabel u carta d'indentited valabla, formuler da dumanda
  • Taxa: ils cuosts vegnan miss in quint da la pulizia d'esters dal chantun Grischun pür al mumaint cha'l permiss riva

Per ün'annunzcha definitiva es da cumparair persunelmaing al fnestrigl da nossa controlla d'abitants

Pulizia d'esters dal chantun Grischun

Ulteriuras infurmaziuns davart ils formulers da dumanda (A1, A2, B1, B2) as chatta sülla pagina d'internet da la pulizia d'esters dal Grischun www.apz.gr.ch. Tuot ils formulers paun gnir implieus oura directamaing: Formulers e fögls d'infurmaziun.

Avis da partenza da Zuoz

Per plaschair s'annunzcher persunelmaing infra 14 dis tar la controlla d'abitants e mner cun se la seguainta documainta:  

Svizras e Svizzers cun domicil a Zuoz

  • Quittaunza da la documainta depositeda, cudaschet da militer

Svizras e Svizzers cun domicil düraunt l'eivna

  • Quittaunza da la documainta depositeda

Esters

  • Legitimaziun d'esters


Avis da partenza a l'ester
Scha qualchün decida dad ir definitivmaing a l'ester: per plaschair contacter adura la controlla d'abitants e l'uffizi d'impostas.

L'avis da partenza po eir gnir inoltro a nos fnestrigl online. Per plaschair trametter a nus la documainta bsögnaivla per posta. Cur cha l'avis da partenza es effetuo tramettains nus inavaunt la documainta necessaria a Lur nouva vschinauncha da domicil.