arcumander quista paginaemailFacebookTwitter

Protecziun civila e militer

Organisaziun da protecziun civila OPC Malögia

Las organisaziuns da protecziun civila sustegnan las forzas da las prümas intervenziuns in cas da grandas intervenziuns in consequenza d'evenimaints da la natüra u da catastrofas in Svizra. La protecziun civila es hoz structureda in möd rigurus e simpel. Elemaints per prümas intervenziuns da la protecziun civila sun disponibels infra 1 fin 6 uras per gnir in agüd.

Tenor la ledscha federela davart la protecziun da la populaziun e la protecziun civila, art. 3 al. 1 lit. e, es la protecziun civila respunsabla per:

  • Protecziun da la populaziun
  • Assistenza a persunas chi tscherchan protecziun
  • Protecziun dals bains culturels
  • Sustegn dals organs directivs e da las organisaziuns partenarias
  • Lavuors da reparatura
  • Ingaschamaints a favur da la generalited

Uffizi chantunel da militer e da protecziun civila (UMP)

La vschinauncha da Zuoz es attribuida a l'OPC Malögia, quel es directamaing suottamiss a l'uffizi chantunel da militer e da protecziun civila. Las annunzchas a l'UMP succedan tres la controlla d'abitants.

L'uffizi chantunel da militer e da protecziun civila ho survagliaunza suprema davart ils fats da la protecziun civila e l'agüd in cas da catastrofas i'l chantun Grischun. Ad el sun suottamissas tuot las organisaziuns da protecziun civila da las vschinaunchas.

Uffizi chantunel da militer e da protecziun civila UMP
Schloss Haldenstein
Schlossweg 4
CH-7023 Haldenstein
Tel. +41 (0)81 257 35 23
Fax +41 (0)81 257 21 63
info@amz.gr.ch