arcumander quista paginaemailFacebookTwitter

Indicaziuns giuridicas

Indicaziuns giuridicas

Nus vulains render attent al fat ch’Els acceptan tres Lur access a la pagina www.zuoz.ch las seguaintas cundiziuns.

Indicaziuns giuridicas
Tuot las indicaziuns (impustüt predschs, reservaziuns, calculaziuns online) sun sainza garanzia. Nus nu pudains garantir cha tuot las datas sajan adüna actualisedas cumplainamaing. L’administraziun cumünela da Zuoz nu surpiglia üngüna respusabilited per sbagls da l'internet, dans tres terzas persunas, datas importedas da tuot gener (virus, verms, trojaners) scu eir per links da e cun otras paginas d'internet. Nus nun avains üngüna controlla davart il cuntgnieu e la fuorma da paginas d'internet estras.

Nus nu pudains garantir il funcziunamaint sainza disturbis da la hard- e software. Nus vulains render attent al fat cha quista pagina po cuntegner imprecisiuns tecnicas u sbagls tipografics. Nus ans resalvains il dret da pudair müder u actualiser adüna e sainza preavis las datas da quista pagina.

Que vela eir per correcturas e/u müdamaints vi dals prodots resp. programs descrits sün quista pagina. L'administraziun cumünela nu surpiglia üngüna garanzia ne invers Els ne invers terzas persunas per eventuels dans consecutivs directs, indirects, speciels u oters chi resultan da l'adöver da quista pagina u d'ün'otra pagina collieda cun ella tres link. Exclusa es ultra da que mincha respunsabilted per ün eventuel guadagn manchanto, interrupziun da la gestiun, perdita da programs u d’otras datas in Lur sistem d'infurmaziuns. Quist vela eir in cas cha nus gnins rendieus attent a la pussibilited da tels sbagls.

Cookies sun elemaints da datas ch’üna pagina d’internet po trametter a Lur browser per der meglder sustegn in cas da sistems basos sün bancas da datas. Els haun però la pussibilited da drizzer aint Lur browser da maniera ch’el Als infurmescha cur ch’Els survegnan ün cookie. Uschè paun Els decider svess, sch'Els vöglian accepter que u na.

Protecziun da datas
In princip nu laschan Els inavous üngünas datas persunelas cun Lur visita sün nossa pagina d'internet. In cas singuls druvains nus Lur nom ed adressa. Scha telas infurmaziuns persunelas sun necessarias, rendains nus attent a quist fat. Sch'Els decidan da surlascher a nus Sias datas via internet per cha nus possans per exaimpel correspuonder u piglier sü postaziuns, ans resalvains nus da pudair druver quellas per scopos da marketing. In cas da dumandas u commentars in connex cun nossas indicaziuns giuridicas u cun la protecziun da datas per plaschair piglier sü contact cun nus suot info@zuoz.ch.

Google Analytics
www.zuoz.ch drouva Google Analytics. Quist servezzan d'internet da Google Inc., USA ("Google"), vain druvo per retscherchas anonimas davart l’adöver da la pagina www.zuoz.ch. Nus vulains render attent cha Google drouva cookies e "Web Beacons" (pitschnas datotecas graficas invisiblas) per ramasser infurmaziuns e per analiser cotres Lur adöver da la pagina d'internet. Las infurmaziuns creedas tres cookies u Web Beacons (inclus Lur adressa dad IP) vegnan tramissas ad ün server da Google ill'USA, inua ch’ellas vegnan elavuredas.

Google drouva quistas infurmaziuns per evaluer Lur adöver da la pagina d'internet, per fer rapports davart l'activited da la pagina d'internet pels gestiunaris da la pagina e per procurer ulteriuors servezzans collios cun l’adöver da la pagina d'internet e l'adöver da l'internet. Google do eventuelmaing inavaunt las infurmaziuns a terzas persunas, scha que es prescrit da la ledscha u scha terzas persunas elavuran quistas datas per incumbenza da Google. Els paun impedir l'installaziun dals Google-Cookies tres üna configüraziun correspundenta da Lur browser-software. Nus rendains però attent ch’ in quist cas nu saro que eventuelmaing brich pussibel da trer a nüz cumplainamaing las funcziuns da quista pagina d'internet.

Tres l'ütilisaziun da www.zuoz.ch as decleran Els perinclets cul fat cha Sias datas vegnan elavuredas tres Google illa maniera descritta e pel scopo indicho survart.