arcumander quista paginaemailFacebookTwitter

Contuorns

Zuoz: Bijou da l'Engiadin'Ota

Zuoz es be 20 minuts davent da San Murezzan e per bgers la pü bella vschinauncha da la destinaziun Engadin St. Moritz. Zieva la fin dal temp da glatsch s'ho avierta sün 1'800 m s.m. üna val ota da ca. 80 kilometers lungezza chi quinta tar las pü otas vals abitedas da tuot l'Europa. Düraunt bgers tschientiners d'eira la val be accessibla sur ils pass e la marchanzia gniva transpurteda cun müls e chavals sün sendas strettas. Daspö la renovaziun da las vias dals pass, la fabrica da la Viafier Retica e dal Bernina Express chi fuorma la colliaziun cun la Vuclina, es l'Engiadina avierta per tuot il muond. 

Zuoz es be 20 minuts davent da San Murezzan cun sia granda spüerta da fer cumpras e da vita nocturna.
Zuoz es be 20 minuts davent da San Murezzan cun sia granda spüerta da fer cumpras e da vita nocturna.

"Chüna da tuot ils suns d'argient..."

Ultra dal Morteratsch, il vadret il pü imposant da las Alps da l'ost, e l'unica muntagna da passa quattermilli meters d'otezza da las Alps da l'ost, il Piz Bernina, as rechatta in Engiadina eir la funtauna da l'En chi ho apparaintamaing do il nom a la val. In lingua rumauntscha significha il nom  Engiadina (Engadin) l'üert da l'En. Ün üert chi's preschainta als peis dal massiv dal Bernina cun sias muntagnas d'ün'otezza da trajamilli meters ed as rechatta in vicinanza dal Parc Naziunel cun gods da larsch e dschember genuins e vela scu s-chazi botanic chi ho in media sulagl düraunt 322 dis l'an. La funtauna da l'En as rechatta sün 2'484 m s.m. spel Lej da Lunghin (in vicinanza da Malögia).

Ils gös fascinants da la glüsch haun lascho crajer a Nietzsche d'avair chatto la "chüna da tuot ils suns d'argient"... Saja que sportists u gourmetsnes finsfilosofs - minch'an es l'Engiadina il böt per visitaduors da tuot il muond. Co paun els giodair üna granda spüerta da sports ed occupaziuns pel temp liber, specialiteds da la chadafö indigena, la cultura extraordinaria e l'architectura, numerusas occurrenzas scu eir il lifestyle chi pulsescha a San Murezzan d'üna vart e la quietezza e la recreaziun da l'otra vart. L'Engiadina es unica in sia varieted, unica illas Alps e perque suvenz gnida premieda.

Tuot las infurmaziuns da la regiun da vacanzas Engadin St. Moritz:
www.engadin.stmoritz.ch

Regiuns cunfinantas:
Engiadina Scoul | www.scuol.ch
Val Puschlev | www.valposchiavo.ch
Bregiaglia | www.bregaglia.ch