arcumander quista paginaemailFacebookTwitter

Baselgias

Differentas confessiuns a Zuoz

Illa vschinauncha da Zuoz do que differentas confessiuns, ca. 40% da la populaziun sun refurmos u catolics, ca. 15% sun sainza confessiun e ca. 5% haun ün'otra confessiun. Ils cults divins illas baselgias da Zuoz haun lö minch'eivna. Las datas e'ls uraris vegnan publichos adüna sanda illa giazetta "Posta Ladina" ed illas affischas da las baselgias.

  • Catolic: ca. 550 persunas
  • Refurmo: ca. 500 persunas
  • Sainza confessiun: ca. 200 persunas
  • Otras confessiuns: ca. 50 persunas

Chapella da San Bastiaun

L'edifizi postromanic consista d'üna nev quadratta ed ün cor quadrat pü stret cu la nev cun frescos vegls dad ota qualited. Las fnestras da vaider sun ouvras da Gian Casty.

Baselgia da San Luzi (Baselgia refurmeda)

Il cor vain orno da trais fnestras da vaider, "La charited" e "La spraunza" dad Augusto Giacometti e d'üna fnestra chi'd es gnida tiers pü tard, "La cretta" dal pittur artist zuozingher, Constant Könz. La fnestra da vaider chi's rechatta a dretta illa nev e chi rapreschainta ils trais raigs es eir gnida s-chaffida d'ün artist indigen, nempe da Gian Casty. La fnestra da vaider pü pitschna sur l'empora es ün'ouvra da Scartazzini, ün amih d'Augusto Giacometti. Duos ulteriuras fnestras illa nev sun eir gnidas creedas da Könz. www.ref-kirche-zuoz.ch

Sencha Chatrigna (Baselgia catolica)

Quista baselgia sto suot la protecziun da monumaints. Ultra da las quatter fnestras cun archs a piz chi rapreschaintan a Niklaus von der Flüe, al Sench Franzais-ch d'Assisi ed a las duos patrunas da baselgia, la Sencha Chatrigna e la Sencha Barbara, ornescha ün bel culomb da pêsch da Gian Casty la paraid davous. www.seelsorgeverband-bernina.ch