arcumander quista paginaemailFacebookTwitter

Architectura

Mürs da crap, fnestras in fuorma da padriöl, sgrafits

Mürs a da crap imposantas, fnestras  pitschnas in fuorma da padriöl e sgrafits caracteristics intuorn ed intuorn:  Que chi voul esser üna chesa engiadinaisa genuina muossa caracter e determinescha daspö tschientiners l’aspet dal lö da vschinaunchas scu Zuoz. Suot il larg tet a piz univa il pur engiadinais pü bod sieu inter possess: Chesa d’abiter,  stalla pel muvel, talvo, murütsch, chamineda ed ün davauntporta cuviert. L’entreda da la chesa tres üna porta principela orneda maina in  sulèr e da lo illa chesa d‘abiter. Il sulèr serviva scu local da deposit e da lavur, la sted dafatta scu staunza da manger. Qualche s-chelin pü insü as riva in stüva – üna stüva pelpü tavlageda cun lain da dschember, l’oget da parada da mincha chesa engiadinaisa.

L’entreda tres üna porta principela orneda maina in sulèr e da lo davent illa chesa d‘abiter.
L’entreda tres üna porta principela orneda maina in sulèr e da lo davent illa chesa d‘abiter.

Ün’ulteriura particularited sun ils  sgrafits – las decoraziuns plain fantasia vi dals mürs da las chesas. Ils ornamaints artistics vegnan sgrattos our da la liadüra auncha ümida.  Els resortan bain grazcha al contrast traunter cler e
s-chür da duos differentas culuors da liadüra. La tecnica dal sgrafit deriva oriundamaing da l‘Italia ("sgraffiare" voul dir "sgratter"),  es però riveda in Engiadin’Ota già düraunt il 16evel tschientiner culs lavuraints migrants. Ella vain aunch’adüna applicheda.