arcumander quista paginaemailFacebookTwitter

Gruppa da gö e gruppa da gö da god

Gruppa da gö Sulagl

Passanter temp illa gruppa da gö pussibiltescha a l’iffaunt da’s distacher plaun a plaun da la famiglia e da’s preparer per ir a scoulina. L’iffaunt po schlarger sias abilteds socielas, linguisticas e motoricas e fo ils prüms pass in direcziun da l’independenza. A vain svaglieda e promovida  la creativited, e l’iffaunt po fer experienzas illa natüra. La gruppa da gö po gnir frequenteda duos voutas l’eivna per duos uras e mez. Üna mnedra da gruppa da gö diplomeda ed experimenteda es respunsabla per la gruppa. Ils iffaunts paun frequenter la gruppa da gö a partir da 3 ans fin ch’els aintran in scoulina.

Gruppa da gö e da gö da god "Nanin Zwuckel-Zwack"

I’l decuors da l’an experimenteschan ils iffaunts il ciclus da la natüra. Las prümas fluors da prümavaira, il sulagl chod da sted, il scruoschöz da la föglia secha suot ils peis, las aguoglias chi croudan, föglias e puschas d’utuon, ils prüms flöchs da naiv e’ls stizis aint illa naiv d’inviern. Quist möd d’experimenter cun tuot ils sens promouva ils iffaunts in lur svilup. Els faun experienzas importantas illa gruppa d’iffaunts, scu p. ex. regler conflicts in üna maniera constructiva, piglier resguard, ragiundscher ün böt cumünaivel ed impustüt as divertir.  Düraunt quist zievamezdi vain ris, fabricho, fat experienzas e giuvo libramaing  cun tuot que cha la natüra spordscha. La gruppa da gö da god po gnir frequenteda per duos uras l’eivna e sto suot la direcziun d’üna mnedra diplomeda.

 

Ulteriuras infurmaziuns ed annunzcha :

  • Presidenta da la gruppa da gö Sulagl: Karin Casty, tel.  +41 79 798 24 13
  • Mnedra da la gruppa da gö: Coni Camichel, tel. +41 79 451 97 57
  • Mnedra da la gruppa da gö da god: Iris Sigg, tel. +41 79 683 86 34