arcumander quista paginaemailFacebookTwitter

Lyceum Alpinum

"Spirit of Zuoz" vo intuorn il muond

Il Lyceum Alpinum Zuoz, fundo dal 1904, es üna scoula d’internat internaziunela cun circa 220 scolaras e scolars interns e 100 externs traunter 12 e 18 ans. Esser consciaint da la tradiziun ed ün penser progressiv determineschan la filosofia da la scoula chi as basa impustüt sül "Spirit of Zuoz". Quist spiert chi ho d’ingrazcher bger a l’etos sportiv dal  Lyceum Alpinum accentuescha las seguaintas valuors: Spiert cosmopolitic, toleranza, respet, fairplay,  volunted da prestaziun ed üna prontezza d’imprender düraunt tuot la vita.

Il Lyceum Alpinum Zuoz as basa sün las seguaintas valuors: Spiert cosmopolitic, toleranza, respet, fairplay, volunted da prestaziun e la prontezza d’imprender düraunt tuot la vita.
Il Lyceum Alpinum Zuoz as basa sün las seguaintas valuors: Spiert cosmopolitic, toleranza, respet, fairplay, volunted da prestaziun e la prontezza d’imprender düraunt tuot la vita.

Ün spiert cosmopolitic e toleranza s’inclegian da se pels scolars dal Lyceum in üna cumünaunza da pü cu 30 naziuns. Ils pü bgers Lyceaners saun trais u dafatta quatter linguas, illas quelas els comunicheschan traunter dad els düraunt il minchadi. Quista internaziunalited vain eir refletteda e sustgnida d’üna magistraglia internaziunela. Eir scha l’Lyceum Alpinum Zuoz porta il buol da la Svizra tudas-cha, rapreschainta el tuottüna ün’ideologia universela.

Manieras ed uorden düraunt il minchadi, respet e prontezza da güder als conumauns scu eir üna tenuta liberela invers la vita sun las directivas da l’educaziun al Lyceum Alpinum Zuoz chi vegnan dedas  sün via als scolars chi possedan  la volunted da prestaziun e l’entusiassem.

Al Lyceum Alpinum Zuoz staun a dispusiziun püssas vias da scolaziun gimnasiela: La maturited tenor l’uorden da scoula svizzer, l’ « Abitur » tudas-ch scu finischun dobla insembel cun la maturited svizra ed adüna dapü eir
l‘ "International Baccalaureate Diploma", inua cha vegnan instruieus tuot ils rams in inglais ed inua cha la finischun succeda tenor ün standard chi vela in tuot il muond.
Ulteriuras infurmaziuns:
www.lyceum-alpinum.com