arcumander quista paginaemailFacebookTwitter

Invid a nossa „visita da terms 2018“ ils 14 e 15 lügl 2018

Corporaziun vschinela da Zuoz

Stimedas vschinas, stimos vschins da Zuoz
Stimedas abitantas, stimos abitants da Zuoz

La Corporaziun vschinela da Zuoz organisescha la tradiziunela „visita da terms“, que voul dir, il visiter ils terms e la marcaziun da tels. Gugent als/las invidains cotres a piglier part a la visita.

Il program
Sanda, ils 14 lügl 2018 08.00 h partenza da Plaz tal «Vout», Chesa Planta

Ruta dal 1. di
Bagn da l’Uors, God dal Cuogn – God Aruozzas – Blaunchetta – Val Furca – Vaüglia Sura – Vallun da Vaüglia – Munts Vaüglia/Utèr – Fuorcla Vaüglia – Plaun Grand e Munts – Alp Timun – Acla Serlas

Pernottaziun Acla Serlas

Ruta dal 2. di

Acla Serlas – Piano dei Morti – Alp Prünella – Paraid Giavagl – Munts e retuorn our per la Val Chamuera a La Punt

Equipamaint
equipamaint da tura/pelerina/bunas s-charpas da muntagna/spievel/vstieus per müder

Marendas
Id es da piglier cun se marenda per mezdi per duos dis.

La gita ho lö be cun bell’ora! Infurmaziun sanda, ils 14 lügl 2018 davent da las 06:00 suot tel: 079 277 78 64.

Fin da la gita
La fin da la gita es planiseda per dumengia saira a La Punt.

Annunzcha
fin gövgia, ils 12 lügl 2018, 12.00 h tar
Gian Rudolf Caprez, Chaunt da Luf 95, 7524 Zuoz
Tel: 079 277 78 64 u gianrudolfcaprez@roccahotz.ch

Cun amiaivels salüds
Corporaziun vschinela Zuoz
il president G.R. Caprez

inavous