arcumander quista paginaemailFacebookTwitter

Corporaziun vschinela

Da 1305 abitants sun 245 vschins da Zuoz (1 december 2015).

  • President: Caprez Gian Rudolf
  • Vicepresident: Vital Peter Andri
  • Actuar: Gilli Andrea
  • Assessur: Pinchera Robert
  • Assessur: Blumenthal Gian Rico

Ils vschins da Zuoz domicilos a Zuoz decidan scu corporaziun dal dret public tenor la ledscha da vschins da la vschinauncha Zuoz (in vigur daspö Chalandamarz 1995) davart:

  • l'admissiun i'l dret da vschins tenor la ledscha chantunela dals 6 gün 1993
  • l'administraziun dals bains dals povers e da las sorts dals vschins
  • immobiglias e bains da la corporaziun vschinela, chi stöglian gnir appruvos da la radunanza dals vschins u almain da la suprastanza
  • la fittaunza dal possess da la corporaziun vschinela per la düreda da pü cu 15 ans
  • fixer las taxas d'usufrüt dals abitants vi da la faculted d'usufrüt da la vschinauncha
  • la tscherna dal president/da la presidenta da la corporaziun vschinela e dals commembers ed assessuors dal cussagl dals vschins
  • la tscherna dals delegios ill'uniun chantunela dals vschins
  • liquider tuot ils recuors suottamiss ad ella

Co e lo invida la corporaziun vschinela a tuot ils interessos ad üna visita da terms sün ün'alp ed ad üna tschaina offrida da la vschinauncha.

Infurmaziuns davart l'acquist da vschinedi da Zuoz

Dret da vuscher in affers cumünels:

  • Il dret da vuscher haun las Svizras e'ls Svizzers chi sun abels da vuscher
  • Il termin cumainza al di cur chi vain consegno l'attest d'origin
  • La radunanza cumünela ho normelmaing lö marculdi saira a las 20.15

Links continunants davart il tema vschinedi

Uffizi chantunel da pulizia e dret dal chantun Grischun 
Infurmaziuns pel vschinedi.

Uffizi federel per migraziun
Infurmaziuns per der il vschinedi a persunas da naziunalited estra

www.imes.admin.ch
Texts da la constituziun e da ledschas davart il nouv dret da vschinedi, statisticas. Vuschs e videos da pertuchos

www.ejpd.admin.ch

Dossier dal der il vschinedi dal departamaint federel da güstia e pulizia

www.parlament.ch
Dossier dal parlamaint federel davart la nouva regulaziun dal dret da vschinedi

www.avenirsuisse.ch
Stüdi dad Avenir Suisse davart der il vschinedi e da las consequenzas demograficas