arcumander quista paginaemailFacebookTwitter

Autoriteds e politica

Vschinauncha da Zuoz

L'administraziun cumünela da Zuoz spordscha ils seguaints servezzans per la generalited e'l turissem:

  • Chanzlia
  • Controlla d'abitants
  • Uffizi da lavur
  • Secretariat AVS
  • Secretariat
  • Impostas
  • Finanzas
  • Uffizi da fabrica
  • Stedi civil Engiadin'Ota
  • Pulizia
  • Pumpiers
  • Protecziun civila e militer
  • Uffizi forestel
  • Servezzan tecnic
  • Biblioteca

Ulteriuras infurmaziuns:
Administraziun cumünela

Chantun Grischun

Constituziun
Fin uossa cugnuoscha il Grischun trais constituziuns chantunelas. Dal 1854 e dal 1892 sun gnidas decretedas quellas da pü bod. La constituziun in vigur datescha dal 2003.

Legislativa
Il Grand Cussagl es l'autorited legislativa, cumpiglia 120 commembers e vain tschernieu da la populaziun cun procedura da majorz per la düreda da quatter ans.

Executiva
La Regenza (pü bod: Pitschen Cussagl) cumpiglia tschinch commembers e vain tschernida da la populaziun cun procedura da majorz per la düreda da quatter ans. Il presidi müda in ün turnus annuel. Ils cusgliers guvernativs in uffizi e lur departamaints sun:

  • Fabrica, trafic, silvicultura, Mario Cavigelli (CVP, daspö 2010)
  • Economia publica e fats sociels, Jon Dominic Parolini (BDP, daspö 2014)
  • Educaziun, cultura ed ambiaint, Martin Jäger (SP, daspö 2010)
  • Finanzas e vschinaunchas, Barbara Janon Steiner (BDP, daspö 2008)
  • Güstia, sgürezza e sandet, Christian Rathgeb (FDP, daspö 2012)

Giudicativa
Ils tribunels suprems dal chantun sun il tribunel chantunel (respunsabel impustüt per fats civils e penels) ed il tribunel administrativ (respunsabel impustüt per cuntaisas da dret public).

Ulteriuras infurmaziuns:
www.gr.ch