Economia

Turissem scu motor

Zuoz fo part turisticamaing da la destinaziun Engadin St. Moritz ed es ün lö da vacanzas sün ca. 1'800 m s.m. Il sulagl, l'ajer pür e süt scu eir ils gods da larschs, dschembers e pins haun avaunt pü cu tschient ans do a Zuoz la reputaziun d'ün lö da cura. Düraunt circa 300 dis l'an splendura il sulagl a Zuoz e cun que vela nossa vschinauncha scu üna da las pü sulaglivas da tuot la Svizra. Las cumpetenzas-clev economicas dal lö collavuran fermamaing cul turissem e sun dependents da tel.

La vschinauncha da Zuoz dispuona d'ün'administraziun efficiainta, amiaivla chi s'inclegia scu furnitura da servezzans. Insembel culs cusgliers metta ella grand pais sün la buna collavuraziun cun l'economia e cun otras gruppas d'interessents.

Commerzi e misteraunza

Societed da commerzi e da misteraunza
Zuoz/La Plaiv
Niculin Arquint
San Bastiaun 18
CH-7524 Zuoz
​​​​​​​info@willy-sport.ch​​​​​​​

 

Ledscha d'ustaria

Ledscha d'ustaria pissera per cundiziuns da basa

La vschinauncha da Zuoz dispuona d’üna ledscha d’ustaria chi regla l’exercizi da las activiteds sül sectur da la gastronomia e’l commerzi in detagl cun ovas destilledas sül territori cumünel. Las disposiziuns daun sclerimaint davart ils permiss, ils temps d’avertüra scu eir davart las taxas per activiteds da gastronomia. La ledscha voul eir proteger la giuventüna cunter abüs d’alcohol e vela scu cumplettaziun da la ledscha d’ustaria chantunela.

Dumandas

A staun a disposiziun seguaintas dumandas:

  • La gestiun d'ün hotel u restorant es suottamissa a l'oblig da permiss. La dumanda es d'inoltrer al cussagl cumünel.
  • Dumanda per ün permiss occasiunel e/u ün permiss per ün’ustaria da festa illa vschinauncha da Zuoz.
A+
A-