Chalandamarz 2024

in Zuoz / Madulain

Stimeda populaziun, stimos giasts,

gugent Als infurmains da l’importanza e l’andamaint dal Chalandamarz 2024
(latin: „calaendae martii“; cumanzamaint da l’an): da pü bodun scu auncha hoz vegnan tschernidas a Zuoz las autoriteds cumünelas als 1. marz.

1. Prouva da Chalandamarz – Dumengia, 18 favrer 2024, 10:30 fin 12:00h
Duos dumengias aunz ils 1. marz vaun las mattas ed ils mats da bügl a bügl. Ils iffaunts cun plumpas, maruns, zampuogns, talacs, s-chellas u brunzinas intuorn lur vainter, faun ün gir intuorn mincha bügl da nossa vschinauncha.
Quista vegl’üsaunza deriva dal temp pajaun e serviva a sieu temp per promouver la früttaivlezza (bügls), scurranter noschs spierts da l’an passo (canera cun s-chellas e schlupper geischlas) e scu muostra per servezzan da mercenari (drizzer oura seguond grandezza dal mat e da la s-chella, ch’el es bun da purter).

Il cortegi parta a las 11.00 tal Mulin vegl ed intuorn las 11.30 schloppan tuot ils iffaunts lur geischlas sün plazza da scoula. Que vela la spaisa da visiter quist bel üsit culturel e nu schmancher l’apparat da fotografer!

2. Chalandamarz
Marculdi, ils 28 favrer cumainza il Chalandamarz 2024a mezzanot tal „Vout“ da la chesa Planta Zuoz cull’inscripziun dals noms da patruns e patrunas e cun schlupper las geischlas.
Gövgia, ils 29 favrer vaun ils patruns a partir da las 03.00 a clamer oura ils mats da scoula cun s-chellöz da talacs. A las 07.00 parta il cortegi sün Plaz. A las 12.45 as prepara la charreda cun chavals davaunt la Crusch Alva, per partir a las 13.00 vers Madulain.
Ils 1. marz vegnan schluppedas las geischlas intuorn las 11.00 sün plazza da scoula Zuoz!

Il program seguaint Als muossa la data, cha’l cortegi riva tar Lur chesa per chanter las bellas chanzuns da Chalandamarz. Zieva il chaunt vain ramasseda üna collecta per finanzcher il viedi da scoula – già ouravaunt ün grazcha fich per Lur donaziun!

Plan Zuoz
Plan Madulain
Program

Cudeschin da chaunt

Zuoz, favrer 2024                                                
Cumischiun da Chalandamarz:
G.R.Caprez, V.Roost-Monatsgerber, L.Camichel

A+
A-