Fabricas

Deliberaziun a maun da l’ARE – Albert Willy e Balthasar Willy jun., Edifizi nr. 75A, Vuorcha – augmantaziun modereda cun ün nouv plaun sülla chesa d’abiter existenta, nouvas lobgias e nouv’isolaziun. La dumanda da fabrica dadour la zona da fabrica dals signuors Albert Willy e Balthasar Willy jun. vain delibereda unanimamaing a maun dal uffizi Chantunel da svilup dal territori (ARE).

Adrian Roman Casty, müdamaint da fabrica Acla Schucatitta, Edifizi nr. 265, Muntatsch. La dumanda da fabrica dadour la zona da fabrica da sar Adrian Roman Casty vain delibereda unanimamaing a maun dal uffizi Chantunel da svilup dal territori (ARE).

Jachen Könz, nouv edifizi Chesa Mariöl 6 – Dumanda per permiss extraordinari per cumanzer lavuors da müraglia aunz il temp (9 marz 2020), Mariöl. La ledscha da fabrica prevezza il cumanzamaint da fabrica ils 1. avrigl. Siand cha la spüerta dals lifts e la scoula da skis düra fin dumengia ils 15 marz decida il cussagl cumünel da stipuler ün permiss extraordinari da cumanzer las lavuors in lündeschdi ils 16 marz 2020.

Elisabeth Bisig Tschudi, Chesa Madalena – pumpa da chalur cun sonda da terrain, Somvih. Il cussagl do unanimamaing il permiss da fabrica.

Educaziun

Tscherna magister/magistra scoula primara Zuoz/Madulain

Il cussagl da scoula propuona a duonna Flavia Rudigier scu nouva magistra primara cun 80 fin 100% ed a duonna Leticia Demonti cun 60%. Il cussagl cumünel aderescha a la proposta e gratulescha a las nouv elettas magistras da primara.

Administraziun Cumünela

INFO: Quista plattafuorma es üna spüerta da la Gammeter Media per simplificher la publicaziun dad avis ufficiels e dumandas da fabrica. In avegnir as chatta tuot ils avis ufficiels, dumandas da fabrica ed impü decisiuns dal cussagl cumünel  eir sün https://info.engadin.online/

Illa Posta Engiadinaisa sun publichedas las listessas infuormaziuns.

Proget provedimaint d'ova

Il cussagl cumünel decida dad invider differents büros d'indschegner dad offrir la lavur per ün stüdi cumplessiv dal provedimaint d'ova a Zuoz.

Traffic

Barrieras Sommavia: In futur vain la Via Sommavia serreda cun barrieras cur cha fo dabsögn. Fin uossa gniva que fat cun mantuns da naiv che chi chaschuna glatsch cur cha las temperaturas vaun insü da prümavaira.