Uffizi d'abitants

Punct centrel da l'administraziun cumünela

La controlla d'abitants es respunsabla per las seguaintas lavuors:

  • Annunzcha a Zuoz
  • Avis da partenza da Zuoz
  • Müdamaints d'adressas a Zuoz
  • Dumandas per cartas d'identited
  • Emetter e prolunger d'attests d'indigens
  • Emetter e prolunger d'attests d'origin e da domicil
  • Permiss d'esters (Dumandas/prolugiaziuns/müdamaints)
  • Confermas da domicil
  • Infurmaziuns davart adressas i'l ram da la protecziun da datas
  • Mner il register da votaziuns
  • Büro da chat
  • Mner il register da chauns
  • Execuziun da l’obligatori da la chascha d’amalos / Elavurer delibraziuns da pajer la chascha d'amalos
  • Centrela da telefon ed infurmaziuns
  • Bigliets pel Vereina
  • Plombas pels containers da las immundizchas

Divers servezzans e formulers staun a disposiziun eir al fnestrigl digitel. Grazcha ch'Els ans inoltreschan Lur dumandas sün via electronica.

Contact

Tina Gruber
Mnedra controlla d'abitants
+41 81 851 22 22
t.gruber@zuoz.ch

Annunzchas ed avis da sortida

Annunzcha a Zuoz

Per plaschair s'annunzcher persunelmaing infra 14 dis tar la controlla d'abitants e mner cun se la seguainta documainta:

Svizras e Svizzers cun domicil a Zuoz

  • Attest d'origin
  • Cumprouva chascha d'amalos (KVG), polissa
  • Taxa: frs. 20.– persuna singula / frs. 30.– famiglia

Svizras e Svizzers cun sogiuorn düraunt l'eivna

  • Certificat d'origin/Attest da domicil da la vschinauncha da domicil
  • Cumprouva chascha d'amalos (KVG), polissa
  • Taxa: frs. 20.– persuna singula / frs. 30.– famiglia

Esters

  • Legitimaziun d'esters
  • Passaport valabel u carta d'indentited valabla
  • formuler da dumanda
  • Cumprouva chascha d'amalos (KVG), polissa (scha avaunt maun)
  • Taxa: ils cuosts vegnan miss in quint da la pulizia d'esters dal chantun Grischun pür al mumaint cha'l permiss riva

Per ün'annunzcha definitiva es da cumparair persunelmaing al fnestrigl da nossa controlla d'abitants.

Pulizia d'esters dal chantun Grischun

Ulteriuras infurmaziuns davart ils formulers da dumanda (A1, A2, B1, B2) as chatta sülla pagina d'internet da la pulizia d'esters dal Grischun www.apz.gr.ch. Tuot ils formulers e fögls d'infurmaziun paun gnir implieus oura directamaing.

Avis da partenza da Zuoz

Per plaschair s'annunzcher persunelmaing infra 14 dis tar la controlla d'abitants e mner cun se la seguainta documainta:  

Svizras e Svizzers cun domicil a Zuoz

  • Quittaunza da la documainta depositeda

Svizras e Svizzers cun domicil düraunt l'eivna

  • Quittaunza da la documainta depositeda

Esters

  • Legitimaziun d'esters

Avis da partenza a l'ester

Important per persunas svizras e persunas cun legitimaziun d'esters B e C. Scha qualchün decida dad ir definitivmaing a l'ester: per plaschair contacter adura la controlla d'abitants e l'uffizi d'impostas.

eMüdeda - Annunzchas ed avis da partenza / Müdamaints d'adressa

Abitantas ed abitants scu eir persunas nouvdomiciliedas paun s’annunzcher u comunicher lur müdamaints cumadaivelmaing online suot www.eumzug.swiss. Per plaschair implir our impü il formuler d'annunzcha (be in tudas-ch) e trametter tel cun üna copcha da la polissa da la chascha d'amalos ad info@zuoz.ch. eUmzugCH serva ad accumplir l’oblig d’annunzcha persunel in cas da müdedas da persunas privatas a l’intern da la Svizra. Confuorm a la ledscha importa l’oblig d’annunzcha 14 dis a partir da la data dal müdamaint d’adressa. L’ütilisaziun dad eUmzugCH es facultativa e nu chaschuna üngüns cuosts supplementers in conguel cun l’annunzcha al fnestrigl.

Attests ed extrats

Attest d'indigens

Premissa per ün attest d'indigens:

Esser annunzcho tar la vschinauncha cun attest d'origin. Per l'attest d'indigens avains dabsögn d'üna fotografia da passaport actuela. Attests d'indigens vegls u scrudos sun adüna da mner cun se. L'attest d'indigens vela per ün an e po gnir prolungio tar la controlla d'abitants.

Predsch attest d'indigens:

  • Emetter ün attest d'indigens: frs. 10.–
  • Prolungiaziun: üngüns cuosts

Müdamaint d'adressa

Müdedas in vschinauncha stöglian gnir annunzchedas infra 14 dis tar nossa controlla d'abitants. Tar esters druvains üna copcha dal passaport u da la carta d'identited.

eMüdeda
Müdamaints d'adressa paun eir gnir comunichos via eUmzug. Grazcha ch'Els faun adöver da la via electronica.

Naschentscha

Es ün iffaunt naschieu a chesa, as stu que annunzcher a l’uffizi dal stedi civil Engiadin’Ota a San Murezzan (+41 81 836 30 80). Naschentschas in ospidels vegnan annunzchedas tres l’administraziun pertucheda.

Per indemnisaziuns da maternited e supplemaints d’iffaunts stu il donatur da lavur inoltrer üna dumanda a la cassa d’AVS respunsabla. Tar dischoccupaziun nu vegnan pajos üngüns supplemaints d’iffaunts.

Mortori

Ün mortori es d’annunzcher dalum al meidi trattativ u ad ün meidi d’urgenza. Mortoris straoridnaris in seguit d’ün accidaint eui. sun d’annunzcher in mincha cas a la Pulizia chantunela.

Mincha mortori stu gnir annunzcho dals prossems paraints a l’uffizi dal stedi civil Engiadin’Ota a San Murezzan (+41 81 836 30 80) ed a la vschinauncha da domicil.

Certificat d'origin/Attest da domicil

El/Ella es annunzcho/annunzcheda in nossa vschinauncha scu persuna cun domicil düraunt l'eivna. Al mumaint da l'annunzcha ho El/Ella stuvieu depositer il certificat d'origin/l'attest da domicil tar la controlla d'abitants. Ün attest da domicil vela pelpü 1 an (per students 3 ans) e vain emiss da la vschinauncha da domicil. Cur cha l'attest es scadieu es El/Ella oblio da lascher prolungir u da dumander ün nouv tar la vschinauncha da domicil.

Predsch certificat d'origin/Attest da domicil:

  • Certificat d'origin / Attest da domicil: frs. 20.–
  • Prolungiaziun: üngüns cuosts

Extrat dal register penel

Ün extrat dal register penel po gnir pusto directamaing aint il internet suot www.strafregister.admin.ch. Per ulteriuras dumandas sto a dispusiziun la controlla d'abitants tel. +41 81 851 22 22.

Attest da stedi civil

Attests da stedi civil paun gnir pustos directamaing tal Uffizi dal stedi civil da la Regiun Malögia respunsabel.

Passaport svizzer e carta d'identited

Passaport svizzer (attest biometric)

Daspö ils 1. marz 2010 es da dumander il passaport svizzer cun datas biometricas directamaing tals seguaints centers d'attests:

Center da documaints d'identited regiunel Zernez
Chesa cumünela
Urtatsch 147A
CH-7530 Zernez
+41 81 851 44 00
www.schweizerpass.ch 

Uraris d'avertüra:
Lündeschdi - venderdi: 08.00 - 11.30 h
Lündeschdi, mardi, marculdi e venderdi: 14.00 - 17.00 h
Gövgia: 14.00 - 18.00 h

Uffizi da migraziun e da dret civil dal Grischun
Center da documaints d'identited Cuira
Gäuggelistrasse 7
Chaschella postela 61
CH-7002 Chur
+41 81 257 52 20
www.gr.ch

Uras d'avertüra:
Lündeschdi - Gövgia: 08.00 - 12.00 e 13.30 - 17.00 h
Venderdi: 08.00 - 16.00 h aviert sainza interrupziun

Carta d'identited

Cartas d’identited paun gnir dumandedas direct tar la controlla d’abitants u tals Centers da documaints d'identited surmanzunos. La veglia carta d’identited as stu eir piglier cun se. La perdita d’üna carta d’identited stu gnir annunzcheda persunelmaing a la Pulizia chantunela, inua cha vain fat ün’annunzcha da perdita. Üna nouva carta d’identited vain be emissa cunter l’annunzcha da perdita.

Validited

Per creschieus vela la carta d'identited düraunt 10 ans e per iffaunts fin l'eted da 18 ans düraunt 5 ans. Zieva la scadenza es da lascher fer ün nouv documaint, üna prolugiaziun nun es pussibla.

Predsch carta d'identited inclus porto

  • Iffaunts fin 18 ans: frs. 35.–
  • Creschieus a partir da 18 ans: frs. 70.–

Attest abel d'agir

APUC Engiadina / vals dal süd
Autorited da protecziun d’iffaunts e da creschieus
Quadratscha 1
CH-7503 Samedan

+41 81 257 62 90
engadin-suedtaeler@kesb.gr.ch 
 

Sgüraunza d’amalos

Tenor ledscha federela davart la sgüraunza d’amalos (LAMal) e la ledscha davart la sgüraunza d’amalos e la reducziun da premias (LARP) sun las vschinaunchas respunsablas per l’execuziun da l’oblig da la sgüraunza per tuot il pövel da la Svizra. Per princip stöglian tuot las persunas, chi haun lur domicil in Svizra, as sgürer tar üna chascha d’amalos svizra.

Patrun da lavur

Ils patruns da lavur sun oblios d’infurmer in scrit davart il cumanzamaint d’üna relaziun da lavur d’ün lavuraint ester cun permiss L u B (nom, prenom, data da naschentscha, nom ed agentura da la sgüraunza d’amalos, möd da contrat). Medemmamaing stöglian els annunzcher mincha finischiun da la relaziun da lavur ouravaunt a la controlla d’abitans. Quist oblig d’annunzcha pertuocha il stedi da l’oblig da la sgüraunza d’amalos e nu scrouda zieva avair arvschieu il permiss da lavur.

Obligatori da sgüraunza d’amalos per cunfinaris

Persunas cun ün permiss da cunfinari paun tscherner traunter üna sgüraunza d’amalos svizra u estra infra trais mais a partir da la data da validited dal permiss da lavur. Tenor tscherna resulta l’agir seguaint:

Sgüraunza i’l stedi da domicil

Infra trais mais stu la persuna as lascher deliberer da l’obligatori da sgüraunza d’amalos svizra cun ün formuler da dumanda. Insembel culla dumanda esa d’inoltrer üna cumprouva da la sgüraunza i’l stedi da domicil – il glistess vela pels paraints da la familie chi nu lavuran.

Sgüraunza d’amalos svizra

Infra trais mais stu la persuna fer üna sgüraunza da basa tenor LAMal tar üna sgüraunza d’amalos vizra arcugnuschida. La cumprouva dal contrat da sgüraunza stu ella preschanter a l’uffizi d’abitants.

Important

Scha la persuna nu fo adöver dal dret da tscherna infra quels trais mais, scrouda quel. La persuna stu alura as lascher sgürer tar üna sgüraunza d’amalos svizra.

Fundbüro

Die Uhr verloren? Eine Sonnenbrille gefunden? Melden Sie sich beim Fundbüro der Gemeinde Zuoz.

Gefundene Gegenstände
Täglich werden viele Gegenstände verloren oder versehentlich liegengelassen. Haben Sie etwas gefunden?

  • Bitte geben Sie Fundsachen so rasch wie möglich im Fundbüro ab, damit ist die Wahrscheinlichkeit höher, den Gegenstand dem Besitzer zuzuordnen. 
  • Gefundenes dürfen Sie nicht behalten. Schweizweit ist jede und jeder gesetzlich verpflichtet, die Sachen in einem Fundbüro abzugeben (vgl. Art. 720; Schweizerisches Zivilgesetzbuch).
  • Finderlohn: Wird die Sache zurückgegeben, so hat der Finder Anspruch auf einen angemessenen Finderlohn. Wer seinen Pflichten als Finder nachkommt, erwirbt, wenn während fünf Jahren von der Bekanntmachung der Eigentümer nicht festgestellt werden kann, die Sache zu Eigentum (vgl. Art. 722 Schweizerisches Zivilgesetzbuch).
  • Ausnahmen: Persönliche Gegenstände wie Ausweise oder Schlüssel sowie elektronische Artikel (Mobiltelefon und dergleichen) können aus Sicherheits- und Datenschutzgründen nicht ausgehändigt werden

Gesuchte Gegenstände
Haben Sie etwas verloren – ein Handy, den Schlüssel oder einen Regenschirm? Gerne können Sie uns den Verlust melden und wir werden diesen bei unserem Fundbüro registrieren.

Kontakt
Gemeindeverwaltung Zuoz
Einwohnerkontrolle / Fundbüro
Plaz 6
7524 Zuoz
+41 81 851 22 22
info@zuoz.ch

Haben wir Ihren Gegenstand nicht gefunden, dann kann Ihnen vielleicht die RhB, PostAuto oder Engadin Bus weiterhelfen:

A+
A-