Turissem

 

Pervi da sieu minz istoric bain mantgnieu cun las magnificas chesas signurilas es la vschinauncha da Zuoz renumneda scu la vschinauncha la pü bella d’Engiadin’Ota ed es fich dumandeda tar numerus giasts internaziunels. Fin l’an 2008 ho ün’egna organisaziun da turissem commerzialiso la vschinauncha. Ils 26 november 2006 haun votantas e votants do glüsch verda ad üna fusiun da tuot las societeds da cura in Engiadin’Ota. Uschè s’ho pudieu furmer l’organisaziun da turissem Engadin St. Moritz chi rapreschainta hoz ils interess turistics da Zuoz.

6 hotels, 146 abitaziuns da vacanzas

Zuoz posseda hoz 6 hotels cun 348 lets scu eir 1 champ da vacanzas cun 129 lets. Als giasts staun a disposiziun 146 abitaziuns da vacanzas cun ca. 560 lets. Düraunt la stagiun ota quinta Zuoz pü cu 5'000 abitants.

  • 6 hotels cun 348 lets
  • 1 champ da vacanzas cun 129 lets
  • 146 abitaziuns da vacanzas cun 560 lets
  • 691 abitaziuns secundarias cun 2952 lets
  • Düraunt la stagiun ota quinta Zuoz passa 5'000 abitants
  • 5 lifts da skis / s-chabelleras
  • 1 plazza da golf (18 fouras)
  • 1 plazza da glatsch natürela
  • Sendas, tragets per galopper ed ulteriuras infrastructuras

Infurmaziuns turisticas as chatta sülla pagina d'internet da Engadin St. Moritz.

Conguel lets chods e fraids

Lets chods

  • Hotellaria: 348
  • Champ: 129
  • 146 abitaziuns da vacanzas (explotedas): 560 lets
  • Abitaziuns d'indigens (606 abitaziuns à 4 lets): 2'424
  • Totel: 3'419

Lets fraids

  • Abitaziuns secundarias (691 abitaziuns à 4.25 lets): 2'952
  • Totel: 2'952

Totel lets a Zuoz: 6'371
 

La Plaiv.Guide

Cun il nouv «La Plaiv.Guide» as chatta tuot l'important ed interessant a Zuoz ed illa Regiun düraunt la sted.

Family Destination

Tar nus a Zuoz as chattan famiglias surtuot bainvgnidas. Üngün miracul: La societed da turissem Svizra ho surdo a Zuoz la marca «Family Destination». Quist sagè da qualited clappan destinaziuns da vacanzas chi drizzan lur spüerta specielmaing sün giavüschs e bsögns dad iffaunts e lur persunas d'accumpagn. Cuort: per vacanzas da famiglia gratagedas dad A fin Z.

A+
A-