Iffaunts e famiglia

Bel lö per ster cun iffaunts

Las qualiteds da Zuoz e da tuot la regiun sun fich adattedas per iffaunts e famiglias da minch'eted. Lotiers sustegna la politica favuraivla per famiglias eir als geniturs e vegn promovida da l'economia locala. L'ambiaint fich favuraivel per iffaunts e famiglias spordscha bger lö per as svilupper e per fer experienzas. Ultra da que as rechattan las pistas da skis directamaing davaunt porta. La scoula da skis s'occupa fich ferm dals iffaunts e spordscha diversas occurrenzas chi faun plaschair a tuot las generaziuns.

Avantags per famiglias

Zuoz spordscha enorms avantags per famiglias:

  • Sgürezza sül viedi da scoula ed i'l temp liber
  • Scoulina, scoula ed implaunts da sport as rechattan in vicinanza directa
  • Scoulas da prüma qualited e bunas spüertas da furmaziun
  • Bger spazi liber per giuver 
  • Ambiaint net per promouver üna vita sauna
  • Bun provedimaint medicinic tres ospidels e clinicas 
  • Ota qualited da viver grazcha a la vicinanza da la natüra e las bes-chas
  • Pistas da skis praticamaing davaunt porta-chesa

Scoulina

Chauntaluf 35
Chesa dals Pesters
7524 Zuoz

Contact:
T +41 81 854 01 13
scoulina@gmx.ch

  • Duonna Fadrina Pünter
  • Duonna Mirjam Frischknecht

Gruppa da gö e gruppa da gö da god

Gruppa da gö "Sulagl"

Passanter temp illa gruppa da gö pussibiltescha a l’iffaunt da’s distacher plaun a plaun da la famiglia e da’s preparer per ir a scoulina. L’iffaunt po schlarger sias abiliteds socielas, linguisticas e motoricas e fo ils prüms pass in direcziun da l’independenza. A vain svaglieda e promovida la creativited, e l’iffaunt po fer experienzas illa natüra. La gruppa da gö po gnir frequenteda duos voutas l’eivna per duos uras e mez. Üna mnedra da gruppa da gö diplomeda es respunsabla per la gruppa. Ils iffaunts paun frequenter la gruppa da gö a partir da 3 ans fin ch’els aintran in scoulina.

Gruppa da gö da god «Nanin»

I’l decuors da l’an experimenteschan ils iffaunts il ciclus da la natüra. Las prümas fluors da prümavaira, il sulagl chod da sted, il scruoschöz da la föglia secha suot ils peis, las aguoglias chi croudan, föglias e puschas d’utuon, ils prüms flöchs da naiv e’ls stizis aint illa naiv d’inviern. Quist möd d’experimenter cun tuot ils sens promouva ils iffaunts in lur svilup. Els faun experienzas importantas illa gruppa d’iffaunts, scu p. ex. regler conflicts in üna maniera constructiva, piglier resguard, ragiundscher ün böt cumünaivel ed impustüt as divertir.  Düraunt quist zievamezdi vain ris, fabricho, fat experienzas e giuvo libramaing cun tuot que cha la natüra spordscha. La gruppa da gö da god po gnir frequenteda per duos uras l’eivna e sto suot la direcziun d’üna mnedra diplomeda.

Ulteriuras infurmaziuns ed annunzcha:

  • Mnedra da scoula: Vanessa Roost-Monatsberger, vanessa.roost@scoula-zuoz.ch,  T +41 76 345 66 21
  • Mnedra da la gruppa gö “Sulagl”: Veronika Müller, T + 41 79 927 84 95
  • Mnedra da la gruppa da gö god “Nanin”: Cornelia Camichel, T + 41 79 451 97 57

Chüra d'iffaunts

Spüerta da la chüra d'iffaunts in canortas e famiglias da di

La chüra d’iffaunts Engiadina es üna fundaziun d'ütil public. Ella spordscha üna chüra d’iffaunts confuorm als bsögns e cumplementera a la famiglia in canortas e famiglias da di in Engiadin’Ota. La KIBE infurmescha e cussaglia als genituors in tuot las dumandas da la chüra d’iffaunts cumplementera a la famiglia e s’ingascha per üna furmaziun ed ün perfecziunamaint plain respunsabilted dals genituors e dals genituors da di.

Gestiun:
KiBE Chüra d'iffaunts Engiadin'Ota, T +41 81 850 07 60

KiBE Zuoz
Canorta Randulina, T +41 81 850 13 42

KiBE Samedan 
Canorta «Chüralla», T +41 81 852 11 85

KiBE San Murezzan
Canorta Muntanella, T +41 81 832 28 43

Ulteriuras infurmaziuns:
www.kibe.org

Inscunter da poppins

Üna fin duos voutas al mais

L’inscunter ho lö üna fin duos voutas al mais düraunt ün zievamezdi e düra duos uras. Ils genituors ed iffaunts as chattan per giuver e manger marenda illas localiteds da la gruppa da gö. Ils iffaunts pitschens paun fer las prümas experienzas cun oters, e per las mammas e pels baps es que üna bun’occasiun d’imprender a cugnuoscher otras famiglias.

Program prümavaira/sted 2024

Ulteriuras infurmaziuns:
Manuela Gerber, +41 79 561 91 34
Aita Bott, +41 76 421 10 03

Kitu

Per plaschair clicker sül seguaint PDF per telecharger las ulteriuras infurmaziuns:

PDF Infurmaziuns e plan KITU 2023/2024
 

Muki-Vaki

Per plaschair clicker sül seguaint pdf per telecharger las ulteriuras infurmaziuns a reguard Muki-Vaki:

PDF Infurmaziuns Muki-Vaki-Turnen Zuoz per 2023/2024

A+
A-