Sandet e fats sociels

Sandet

Ota qualited da viver, buna spüerta sül sectur da sandet

Zuoz spordscha düraunt tuot l'an ün'ota qualited da viver - cun fich bger sulagl ed üna bella vista süllas muntagnas sainza tschiera. Ün muond, inua cha miraculs pitschens e grands da la natüra creeschan üna culissa paradisica per sport, cultura, travasch e quietezza. La sanited publica in Engiadin'Ota garantescha ün provedimaint da medicinic fich ot. La spüerta dad ospidels, asils da vegls e da chüra, meidis independents scu eir apotecas es fich vasta.

Meidi a Zuoz

Duonna dr.
Franziska Barta
Chesa Crasta
CH-7524 Zuoz
+41 81 854 25 25
www.praxis-barta.ch

Defibrillatuors

La vschinauncha da Zuoz dispuona da trais defibrillatuors süls seguaints lös:

- Center Sur En
- Staziun
- Plaz

Plan da Zuoz

carta Svizra

Spitex Engiadin'Ota

Grazcha al servezzan da la spitex paun persunas pertuchedas da restricziuns persunelas, chaschunedas da malatias, accidaints, impedimaint, vegldüm, maternited u simil, rester a chesa in lur ambiaint üsito u ir a chesa pü bod zieva ün sogiuorn staziunari. Il böt da la spitex es da mantegner e da promouver l'independenza dals cliaints. Lotiers prouvan ils lavuraints da la spitex d'involver scha pussibel l'ambiaint persunel dals pertuchos i'l agüd e la chüra.

www.spitex-oberengadin.ch

Asil da vegls e da chüra Promulins, Samedan

L'asil da vegls e da chüra Promulins es üna dmura da dret public per glieud attempeda u glieud chi ho bsögn da chüra. L'asil chüra a persunas da l'Engiadin'Ota e cuntuorns. "Promulins" s'inclegia scu lö d'inscunter, promouva scu instituziun publica il contact e collia la dmura e la societed.

www.promulins.ch

Cussagliaziun da genituors

La cussagliaziun da genituors es üna spüerta da sustegn per giuvnas famiglias e lö da contact tar dumandas da la naschentscha fin a l’eted da tschinch ans. La cussagliaziun es da libra volunted, gratuita e suottamissa a l’obligaziun da discreziun.

Cussagliaziun da genituors
Ospidel d’Engiadin’Ota
Via Nouva 3
CH-7503 Samedan

+41 81 851 85 58
elternberatung@spital.net
www.spital-oberengadin.ch

Fats sociels

Post da cussagliaziun vegldüna e chüra

L’an 2011 es gnieu fundo il post da cussagliaziun vegldüna e sandet a basa d’ün’iniziativa da las vschinaunchas d’Engiadin’Ota. Il post da cussagliaziun es affilio a la fundaziun provedimaint da la sandet Engiadin’Ota.  Il punct centrel dal post da cussagliaziun vegldüna e sandet es quel d’offrir a persunas attempedas ed a lur confamigliers ün sustegn cumplessiv in connex cun las differentas sfidas dal gnir vegl.

I’l muossavia cumpilo dal post da cussagliaziun as po que chatter adressas e spüertas ütilas.

Post da cussagliaziun vegldüna e sandet
c/o Chesa da fliamaint Promulins
Suot Staziun 7 - 9
CH-7503 Samedan
Tel. +41 81 850 10 50

info@alter-gesundheit-oberengadin.ch    
www.alterundpflege.ch 

Cussagliaziun sociela

La cussagliaziun sociela spordscha sustegn tar dumandas da sgüraunza, dumandas giuridicas, dumandas da finanziaziun e dumandas da la chascha d’amalos e d’accidaint. Bgers ans experienza ed üna vasta rait da contacts tar las autoriteds ed uffizis da cussagliaziun pisseran cha dumandas paun gnir elavuredas cumpetent ed effizient. Ils servezzans da la cussagliaziun sociela sun gratuits e sun suottamiss a l’obligaziun da discreziun.

Cussagliaziun sociela
Ospidel d'Engiadin'Ota
Via Nouva 3
CH-7503 Samedan

+41 81 851 85 23
www.spital-oberengadin.ch

Gruppa d'agüd vicendaivel

Gruppa-AA Engiadin'Ota
per alcoholikers anonims
0848 848 846

Agüd dad Aids Grischun
+41 81 252 49 00
www.aidshilfe-gr.ch​​​​​​​

AL-ANON-Gruppe Engadin
per confamigliers ed amihs dad alcoholikers
+41 81 740 13 24

Instanzas

Assistenza professiunela Engiadin’Ota/Bergiaglia 
Chesa Ruppanner
CH-7503 Samedan
+41 81 851 18 88

Intermediaziun da lavur, RAV Regiunel
A l'En 4
CH-7503 Samedan
+41 81 851 13 83

Cussgliaziun professiunela 
Engiadina/Val Müstair/Samignun
A l'En 4
CH-7503 Samedan 
+41 81 851 13 97

Güdisch per protecziun d'alachs 
Bezirk Maloja
CH-7503 Samedan 
T +41 81 852 18 17

Servezzan sociel, Engiadin'Ota/Bergiaglia

Il servezzan sociel sgüra l'existenza da persunas bsögnusas, promouva lur independenza economica e persunela e pissera per l'integraziun soziela e da manster. L'agüd sociel vain disferenzcho in agüd materiel (sustegn public) ed agüd persunel (cussagliaziun sociela).

Il servezzan sociel da la Regiun e las vschinaunchas partan las lavuors da l'agüd sociel. L'agüd materiel es lezcha da las vschinaunchas, la cussagliaziun sociela es ün incumbenza dal servezzan sociel regiunel. Quist spordscha agüd professiunel per persunas singulas, famiglias, giuvenils e persunas cun sfidas da vizi in seguaintas spartas:

  • Problems persunels e familiers
  • Dumandas dad educaziun, divorzi, dret da visita e partenari
  • Imbarraz finanziel, cussagliaziun da büdschet, sanaziun da debits 
  • Dumandas in connex culla sgüraunza sociela 
  • Retscherchas e dumandas in connex cun iffaunts adoptivs
  • Dumandas per contribuziuns da maternited
  • Dumandas per sustegn public 
  • Dumandas in connex cun substanzas da vizi 

Per persunas cun domicil a Zuoz es il servezzan sociel regiunel Engiadin'Ota/Bregaglia respunsabel.

Servezzan sociel, Engiadin'Ota/Bergiaglia
A l'En 2
CH-7503 Samedan
+41 81 257 49 10
rsd.samedan@soa.gr.ch 

Post da cussagliaziun cunter rassissem

Post da cussagliaziun cunter rassissem
Grabenstrasse 1
7001 Chur

Telefon +41 81 257 63 44
E-Mail: rassismusberatung@gr.ch
Link: rassismusberatung.gr.ch

A+
A-