arcumander quista paginaemailFacebookTwitter

Acziun da rumida 2019

24.10.2019 / 13.15 h - 16.00 h / staziun da Zuoz vest

Stimedas abitantas e stimos abitants
Stimedas proprietạrias da seguondas abitaziuns e stimos proprietaris da seguondas abitaziuns

In gövgia, 24 october 2019 ho lö da las 13.15 h fin las 16.00 h tar la staziun da Zuoz vest ün’acziun da rumida


Apparats electrics per la chaseda, electronica da divertimaint e da büro sun libers da taxas. Per pneus, pitschna mobiglia, tapets, matratschs, ogets da chaseda da tuottas sorts, urdegns da sport e.u.i. (üngünas immundizchas, chartun u palperi vegl) stu gnir pajo üna taxa sül lö. Quists cuosts vaun a charg dal chaschuneder tenor tariffas da Bernina Recycling AG 2019.

Nun es que pussibel a qualchün da transporter svess sia roba massitscha resp. s-chart speciel a la staziun as po annunzcher quetaunt fin lündeschdi, 21 october 2019 (telefon nr. 079/354 97 81). Ün lavuraint cumünel gnaro cunter pajamaint a piglier ils ogets tar Els.

Nus rendains attent cha que es scumando da depuoner roba massitscha illas muldas prontas our da las uras surindichedas.

Impü es scu adüna scumando d’alluntaner roba massitscha u s-chart speciel cul transport d’immundizchas ordinari.

Taxas
Laina / Roba massitscha

frs. 3.00 / 10 kg

culurs

frs. 3.00 / 1 kg

pneus
frs. 5.00 / töch

pneus cun giavagl

frs. 12.00 / töch

Nus sperains d’Als pudair servir cun quist’acziun da rumida.

IL CUSSAGL CUMÜNEL DA ZUOZ
7524 Zuoz, settember 2019

inavous