arcumander quista paginaemailFacebookTwitter

La vschinauncha da Zuoz tschercha ün

MNEDER DA L’ADMINISTRAZIUN CUMÜNELA (M/F)

La vschinauncha da Zuoz cun sieus 1‘300 abitantas ed abitants tschercha pels 1. settember 2019 u tenor cunvegna ün

MNEDER DA L’ADMINISTRAZIUN CUMÜNELA (M/F)


Sias incumbenzas
cumpiglian la direcziun da l’intera administraziun cumünela cun ca. 30 collavuratuors. El sustegna il cussagl cumünel illa realisaziun da sias lezchas e garantescha ün agir economic ed efficiaint da l’administraziun cumünela. Cun Sieu savair professiunel cussaglia El las autoriteds in dumandas administrativas e giuridicas. El scriva pusiziuns e propostas ed es respunsabel per la correspundenza e’ls protocols. Eir organisescha El tschantedas, evenimaints scu eir votaziuns e tschernas. El es respunsabel per l’intera gestiun dal persunel e las sgüraunzas cumünelas.

Nus spettains

üna scolaziun superiura da commerzi ed experienza da gestiun. Savair s’exprimer cun stil e sgürezza illas linguas rumauntsch e tudas-ch a buocha ed in scrit scu eir bunas cugnuschentschas da linguas estras (taliaun/inglais) es important per nus. El es abel da lavurer suot squitsch, ho ün bun dun receptiv, es ün talent d’organisaziun ed ho gust vi dal contact culla populaziun, las autoriteds politicas e’ls collavuratuors.

Nus offrins

üna plazza da lavur da cader varieda e pretensiusa i‘l pü bel lö d’abiter e da lavur in Engiadin’Ota (infurmaziuns suot www.zuoz.ch) cun ün’indemnisaziun confuorm a las pretaisas.

Infurmaziuns

do gugent il tituler da la plazza Claudio Duschletta:
nr. da telefon 081 851 22 22 u c.duschletta@zuoz.ch

Sia annunzcha in scrit

es da trametter cullas agiuntas üsitedas fin als 31 meg 2019 a la seguaint‘adressa:
Cussagl cumünel Zuoz, per mauns da sar president cumünel Andrea Gilli, 7524 Zuoz

inavous