arcumander quista paginaemailFacebookTwitter

Organisaziun cumünela

La vschinauncha da Zuoz es üna vschinauncha politica independenta dal chantun Grischun.

  • Pè d'impostas: 85 % da las impostas simplas dal chantun (daspö 2008)
  • Abitants cun dret da vuscher: 685 (2018) 
  • Zuoz tuocha tar la Regiun Malögia chi cumpiglia las vschinaunchas da Bergiaglia, Segl i.E., Silvaplauna, San Murezzan, Puntraschigna, Schlarigna, Samedan, Bever, La Punt Chamues-ch, Madulain, Zuoz e S-chanf

Cussagl cumünel

Il cussagl cumünel consita dal president cumünel e da 6 cusgliers cun sistem da departamaints. Üna perioda d'uffizi düra 3 ans, pels commembers dal cussagl cumünel vela üna limitaziun dal temp d'uffizi a 9 ans. Il cussagl as raduna minch'eivna il marculdi saira. Las decisiuns vegnan publichedas regulermaing sülla "tevla naira" ed illa pressa.

Structura politica

  • Dret da vuscher e da tscherner activ e passiv: a partir da 18 ans.
  • Legislativa (urna): Tschernas cumünelas 
  • Legislativa (radunanza cumünela): Rendaquint, büdschet, credits, differentas tractandas
  • Executiva (departamaints e cumischiuns): President / adiminstraziun e persunel / finanzas, provedimaint sociel, stabels / scoulas e cultura / turissem / fabricas e planisaziun / pulizia, agricultura, alps e gods / vias, trafic e digitalisaziun / provedimaint d'ova, chanalisaziun, pumpiers, iglüminaziun ed immundizchas / cussagl da scoula / cumischiun da fabrica / cumischiun d'impostas / cumischiun per persunas bsögnusas
  • Cumischiun sindicatioria (Heinz Masüger, Jachen Delnon e Gian Reto Rainalter)
  • Cumischiuns na permamentas: Per incumbenzas spezielas po il cussagl cumünel instituir cumischiuns cumünelas
  • Constituziun: Constituziun cumünela da l'an 2015
  • Partieus politics al lö: SVP, FDP e CVP