Turissem

 

Pervi da sieu minz istoric bain mantgnieu cun las magnificas chesas signurilas es la vschinauncha da Zuoz renumneda scu la vschinauncha la pü bella d’Engiadin’Ota ed es fich dumandeda tar numerus giasts internaziunels. Fin l’an 2008 ho ün’egna organisaziun da turissem commerzialiso la vschinauncha. Ils 26 november 2006 haun votantas e votants do glüsch verda ad üna fusiun da tuot las societeds da cura in Engiadin’Ota. Uschè s’ho pudieu furmer l’organisaziun da turissem Engadin St. Moritz chi rapreschainta hoz ils interess turistics da Zuoz.

Infurmaziuns per giasts

Sülla pagina d'internet da la destinaziun Engadin St. Moritz Engadin St. Moritz Tourismus chattan Els bgeras infurmaziuns e contacts chi güdan ad Els scu giast düraunt Lur vacanzas a Zuoz.

La Plaiv.Guide

Cun il «La Plaiv Info Guide» as chatta tuot l'important ed interessant a Zuoz, S-chanf, Madulain, La Punt Chamues-ch ed illa Regiun düraunt l'inviern.

A+
A-