Il Chalandamarz es ün’üsaunza veglia da grand’importanza per la rumantschia.
Minch’an ils 1. marz vain celebro in differentas parts rumauntschas dal Grischun quist di da festa, chi ho sia derivanza dal temp, cur cha la Rezia d’eira part da l’imperi romaun.
Mincha vschinauncha ho ün egen möd da festager il Chalandamarz.
Tar nus maina il cortegi düraunt ün di e mez tres ils cumüns Madulain e Zuoz. In differents lös vegnan chantedas las chanzuns tradiziunelas da Chalandamarz. Sün plazza da posa glivra il cortegi cun s-chelleda e geischledas.
Düraunt il zievamezdi ho lö il ballin, cun musica e sot - ün plaschair per pitschen e grand.
La saira s’inscuntra la populaziun da la vschinauncha illa sela da gimnastica, gioda las preschantaziuns ed il bal da las scolaras ed ils scolars e sto insembel da buna cumpagnia.
Chanzuns da Chalandamarz
Per la festa da Nadel, preparan las scolaras ed ils scolars da la scoula primara e da la scoulina cun bger plaschair e granda paschiun minch’an qualchosa speciel.
Cun poesias, chanzuns, scenas u qualchosa bun da manger festagiains nus il temp d’Advent ed invidains a paraints e cuntschaints per nos “Bös-chin”.
Dapü infurmaziuns davart las tradiziuns da la scoula primara da Zuoz / Madulain as retschattan sül seguaint fögl di’infurmaziuns:
Üsaunzas e tradiziuns
Contacts importants 
Carta dal di VFF 
Tevla naira