L’ingaschamaint da la societed da promoziun Zuoz es per sgürer l’infrastructura dals lifts a Zuoz a lungia vista e dad augmanter l’attractivited da Zuoz per indigens e possessuras e possessuors da seguondas abitaziuns in dialog cullas autoriteds. Impü vain promovieu il barat ed il discuors traunter indigens e possessuras e possessuors da seguondas abitaziuns cun evenimaints da cumpagnia.
La societed es gnida fundeda dal 2003 cur cha ca. 20 fundaturas e fundatuors – indigens e possessuras e possessuors da seguondas abitaziuns – sun tschantos vi dad üna maisa per discuter imsüras pussiblas per sustegner l’implaunt da skis a Zuoz. In quist connex es gnida fundeda la societed da promoziun. Quista ho in seguit pudieu sustegner la modernisaziun dals lifts cun imports considerabels.
Per la fabrica da la nouva s-chabellera da Chastlatsch ho la societed da promoziun eir sustgnieu la tschercha da nouvs sponsuors. Ulteriurs imports sun gnieus spüerts per la nouva s-chabellera dad Albanas e per l’infrastructura da l’innaivaziun, üna part cha nu’s po renunzcher in üna destinaziun da skis moderna.
Per cha la destinaziun da skis per famiglias a Zuoz resta attractiva saron nouvas fabricas eir ün bsögn in futur. La societed da promoziun es pront da sustegner imsüras adattedas eir in futur.
Contacts importants 
Carta dal di VFF 
Tevla naira