Corporaziun vschinela

Da 1'339 abitants sun 222 vschins da Zuoz (1 schner 2025).

  • President: Caprez Gian Rudolf
  • Vicepresident: Vital Peter Andri
  • Assessur: Blumenthal Gian Rico
  • Actuar: Sonder Gian Reto
  • Chaschier: Willy Balthasar jun.

Ils vschins da Zuoz domicilos a Zuoz decidan scu corporaziun dal dret public tenor ils statüts da vschins da la vschinauncha Zuoz (in vigur daspö Chalandamarz 1995) davart:

  • l'admissiun i'l dret da vschins tenor la ledscha chantunela dals 13 gün 2017
  • immobiglias e bains da la corporaziun vschinela, chi stöglian gnir appruvos da la radunanza dals vschins u almain da la suprastanza
  • la fittaunza dal possess da la corporaziun vschinela per la düreda da pü cu 15 ans
  • la tscherna dal president/da la presidenta da la corporaziun vschinela e dals commembers ed assessuors dal cussagl dals vschins
  • la tscherna dals delegios ill'uniun chantunela dals vschins
  • liquider tuot ils recuors suottamiss ad ella

Co e lo invida la corporaziun vschinela a tuot ils interessos ad üna visita da terms sün ün'alp ed ad üna tschaina offrida da la vschinauncha. La visita da terms ho lö ils 28.06.2025 (data provisorica).

Infurmaziuns davart l'acquist da vschinedi da Zuoz

Dret da vuscher in affers cumünels:

  • Il dret da vuscher haun las vschinas ed ils vschins da Zuoz cun domicil a Zuoz a partir dal deposit da l'attest d'origin
  • La radunanza generela dals vschins ho normelmaing lö üna vouta l'an in favrer a las 20.15 h

Links continunants davart il tema vschinedi

Uffizi chantunel da migraziun e dret civil
www.gr.ch

La documainta bsöglaivla per la natüralisaziun po gnir retratta cò


Uffizi federel per migraziun
Infurmaziuns per der il vschinedi a persunas da naziunalited estra. Texts da la constituziun e da ledschas davart il nouv dret da vschinedi, statisticas. Vuschs e videos da pertuchos.
www.sem.admin.ch

Dossier dal der il vschinedi dal departamaint federel da güstia e pulizia.
www.ejpd.admin.ch 

Dossier dal parlamaint federel davart la nouva regulaziun dal dret da vschinedi
www.parlament.ch 

Stüdi dad Avenir Suisse davart der il vschinedi e da las consequenzas demograficas

www.avenirsuisse.ch​​​​​​​


Contact:
Vschinauncha burgaisa Zuoz
Herr Gian Rudolf Caprez
Chauntaluf 22
7524 Zuoz

A+
A-